شاهد.. عبير صبري تكشف لأول مرة سبب خلعها الحجاب والعودة للفن مرة أخرى

كشفت الفنانة عبير صبري، عن سبب ارتدائها للحجاب واعتزال الفن، ثم العودة مرة أخرى وخلعه.

وقالت عبير صبري، خلال استضافتها ببرنامج "ليالي ten": "سيبت الشغل، وكان وقتها عندي إشكاليات فكرية ودينية في دماغي، وكان الاتجاه السائد في هذا التوقيت أن الفن حرام، ونسيب الشغل ونتحجب".

وأضافت عبير صبري: "أثرت فيا هذه الموجة، ووفاة بنت أختي، ومشيت ورا كلام الناس، واعتزلت الفن".

وأكملت: "لكن بعدها غيرت رأيي تاني، ورجعت الشغل وخلعت الحجاب، وأعتقد كلنا بنمر بهذه الظروف".

وواصلت عبير: "مفيش مشكلة إذا كان هتغيري حياتك للأفضل، أو بتغيير فكر مش مضبوط، لأن ربنا خلق الإنسان غير ثابت في أرائه".

وأشارت: "مفيش حاجة في الكون ثابتة غير ربنا سبحانه وتعالى، أي لحظة عايزه أغير فيها تفكيري، مهنتي، وغيرها لازم أعمل ده".