سلوى خطاب عن الممثلين: «إحنا مش حاجة رخيصة ولازم نحافظ على نفسنا»
كشفت الفنانة سلوى خطاب، كيف غيرها العمل في فيلم "عفاريت الاسفلت".
وقالت سلوى خطاب، خلال استضافتها ببرنامج "وشوشة"، على قناة النهار: "لازم الممثل يبقى عارف قيمة نفسه، وقدره كويس".
وأضافت: "الناس بتقول بنشتغل في موقع التصوير 24 ساعة، مهو ده بيأثر على صحتنا، لأننا بشر، إحنا بنروح نشقى، لكن ممكن نكون شقياتين سعداء، أو تعساء".
وتابعت: "على الأقل عندنا أدوار كويسة، بس نقدر نعمل أكتر من كده، مينفعش 4 أفلام مميزين، والباقي إنت متعرفش عملتهم ليه، لازم يكون في منافسة حقيقية".
وواصلت: "إنت مش حاجة رخيصة، وآن الأوان نروح نحافظ على نفسنا، لازم نتحط في مكانة نستاهلها".
وأشارت إلى أنها قامت بأداء الكثير من الأدوار التي لم تعجبها، ولم تكن سعيدة بها، لكنها تعلمت من ذلك.
