الفنانة بسمة عن مشاركتها في مسلسل Tyrant: «مكنتش أحلم»

كشفت الفنانة بسمة لأول مرة كواليس مشاركتها في المسلسل الأمريكي "Tyrant".

وقالت بسمة، خلال استضافتها ببرنامج "وشوشة"، المذاع على قناة النهار: "محاولتش أركب التريند، أنا بعتبر أن كل خطوة جديدة في حياتي كأني ببتدي من أول وجديد".

وأضافت: "لما خلفت ورجعت بعد الإجازة بالصدفة جاتلي فرصة المسلسل الأمريكي، واعتبرت نفسي ببتدي من الأول".

وتابعت: "وقتها كنت عايشة مع بنتي وزوجي في أمريكا وهو كان هيلقي محاضرة في مؤسسة بحثية، سألوه هتجيب حد معاك، قالهم مراتي، فجابوا منتج من نفس مجالي عشان مملش".

وأكملت: "للأسف محضرتش عشان بنتي، اعتذرت للرجل إني مش هقدر أحضر، والراجل رد عليا بسرعة جدًا، وقالي بنجهز لمسلسل وده الموسم الثالث ليه وعندنا دور ممكن نعرضه عليكي".

وواصلت: "ولا كنت أحلم، كان مفاجأة بالنسبة لي، مكنتش مجهزة إني همثل، ودي فترة راحة من الشغل، روحت لوس أنجلوس، ولقيت نفسي قاعدة مع كل الفريق، اتبسطت جدًا يومها".

واختتمت: "هو كان إيراد حظ ولا فدان شطارة، ومش حاجة كنت ساعيالها".