أحمد موسى عن موكب مدرس الفلسفة: «لو الوزير راح مدرسة مش هيستقبلوه كده»
علق الإعلامي أحمد موسى، على الفيديو المتداول لاستقبال الطلاب لأحد مدرسي الفلسفة في موكب كبير، بمركز للدروس الخصوصية.
وقال موسى خلال برنامجه "على مسئوليتي"، المذاع على قناة صدى البلد: "المعلم الذي ظهر في الفيديو اسمه سيد العراقي بدأ في المراجعة مع الطلاب في مشهد جميل، الطلاب استقبلوه بزي موحد، ورفعوا لافتات في موكب كبير ولا كأنه موكب وزير".
وأضاف موسى: "لو الوزير راح مدرسة، الطلاب مش هيستقبلوه كده"، موضحًا أن الموكب ضم سيارات فارهة.
وتابع: "ربنا يزيد ويبارك طالما بيشتغل بما يرضي الله، الطلاب حابين المدرس ومن الواضح أنه مأثر فيهم وبيحققوا معاه نتائج كويسة".
وأكمل: "مع احترامي كل واحد من حقه يشوف الفيديو بالطريقة اللي عايزها، أنا شايفه بالطريقة اللي بعرضه بيها، تصوير الفيديو بالدرون عبقري ومبدع، والله مع احترامي للجميع هل لو فيه محافظ أو وزير راح مدرسة الطلبة هتستقبله كده؟!".
