«أنا مش تحت أمرك».. سيد عبد الحفيظ يفتح النار على مرتضى منصور
فتح سيد عبد الحفيظ مدير الكرة بالنادي الأهلي النار، على مرتضى منصور رئيس نادي الزمالك بعد هجومه عليه، بسبب رفضه المرور من الممر الشرفي للاعبين، عقب نهائي كأس مصر.
وقال سيد عبد الحفيظ في تصريحات عبر قناة "الأهلي": "أنا مش تحت أمرك علشان تعمل الممر الشرفي بمزاجك، كتير كنا بنحسم بطولات سواء الدوري أو غيره، ومكنش بيبقي فيه ممر شرفي".
وتابع: "مش بمزاجك تعملي ممر شرفي وإحنا خسرانين، ولما إحنا كنا بنكسب كنت بتستلم ميداليات المركز الثاني في غرفة الملابس".
وشدد: "في أكتوبر الجاي هيكون عندي 45 سنة، والجاي في العمر مش أكتر من اللي راح، فمش من الطبيعي أروح أسلم على حد بيشكك في وطنيتي وأهل بيتي، مش هيحصل حتى لو كان آخر يوم في عمري".
ووجه سيد عبد الحفيظ رسالة لخالد الغندور نجم الزمالك السابق: "مش أنا اللي اتشتم بأهلي على الهوا، وتاني يوم أطلع أعتذر وأتأسف للي شتمني".
واختتم سيد عبد الحفيظ تصريحاته: "أنا اتربيت على الكرامة وإني لما أبص في المراية احترم نفسي ومطاطيش عشان حاجة، الرزق بتاع ربنا".
