«اعتبروه حرية زي الإلحاد».. أمير طعيمة لمنتقدي الحجاب
وجه الشاعر الغنائى أمير طعيمة نقد لاذع لمحاولات البعض لنفى فرض الحجاب من وجهة نظر دينى.
وحرص أمير طعيمة على التعليق بخصوص هذه المحاولات، حيث كتب على حسابه الشخصى بموقع التواصل الاجتماعى فيس بوك: «هو موضوع فلانة لبست الحجاب وفلانة خلعته ده شاغل الناس ليه إيه مشكلة البعض مع الحجاب أساسا».
وتابع: «وبعض الإعلاميين ومن يطلق عليهم العلمانيين بيستقتلوا ليه عشان نفى فرضية الحجاب، يعنى لو المحجبة اقتنعت بفتاويك وقلعت الحجاب الكون والكوكب والبلد هيستفيدوا إيه؟ هل إحنا مثلا دولة بنفرض لبس الحجاب على المرأة فإنت ضد قهرها؟ لا».
وأضاف: «هل إحنا بنضيق على غير المحجبة مثلا فى الوظائف والحياة العامة فإنت ضد ظلمها؟ لا، بل بالعكس دى غير المحجبة هى اللى فيه تضييق عليها فى الفن والإعلام وبعض الوظائف، ده حتى فيه أماكن ومطاعم بتمنع دخول المحجبات».
واختتم: «الست المحجبة دى مضايقاك فى إيه وقارفها فى عيشتها بكلامك ليه، وعمال تجيبلى صور قديمة وتقارنها بصور جديدة كما لو كان ده دليل إننا كنا متحضرين وبقينا متخلفين، معلش هو مال التحضر بالحجاب والفستان المفتوح والميكرو جيب مش فاهم، يعنى المحجبة لو لبست اللى بيبسطك معدل ذكائها وإنتاجيتها هيرتفعوا فالبلد هتروح فى حتة تانية؟».
