نجم الأهلي يكشف موقف صادم عن محمد الشناوي
كشف وائل رياض نجم الأهلى السابق، عن واقعة جديدة لمحمد الشناوى حارس مرمى الفريق الأول لكرة القدم بالقلعة الحمراء، عقب الاستغناء عنه سابقا عام 2009.
ورحل محمد الشناوى عن الأهلى عام 2009، قبل أن يخوض عدة تجارب فى الدورى المصرى، ويعود للأحمر عام 2017، ويحقق العديد من الإنجازات، آخرها التتويج بجائزة أفضل لاعب فى إفريقيا 2022.
وكتب شيتوس عبر حسابه على "فيسبوك": "سنة 2009 كنت مقيد فى نادى الجونة، وكان أول سنة للجونة فى الدورى الممتاز، المهم وإحنا فى فترة الإعداد لقيت محمد الشناوى جاى الملعب وكان ساعتها تقريبا تم الاستغناء عنه من الأهلى".
وتابع: "المهم الجهاز الفنى للجونة بلغ الشناوى بتصنيفه بين حراس المرمى الموجودين ساعتها، قبل التعاقد معاه وكان هيبقى رقم 3 ولكن الشناوى رفض التصنيف ده، وبالفعل الشناوى مشى وسافر القاهرة فى نفس اليوم اللى وصل فيه الجونة".
واختتم: "وساعتها أعتقد إنه مضى فى طلائع الجيش إن لم تخونى الذاكرة، النهاردة وبعد 13 سنة الشناوى بياخد أحسن لاعب فى إفريقيا، وده يدينا درس إنك تشتغل على نفسك كويس، ومش مهم توصل إمتى المهم لما توصل تبقى مؤثر ويبقى ليك بصمة، مبروك يا شناوى وبالتوفيق دايما".
