شريف خير الله: «كنت بعيط وأنا بكتب بوست عايز أبقى سواق تاكسي»
علق الفنان شريف خير الله، على المنشور الذي شاركه يطلب فيه أن يعمل سائق تاكسي، وشعوره عندما قام بكتابته.
وقال خير الله، خلال استضافته ببرنامج "الستات"، المذاع على قناة النهار: "وأنا بكتب البوست كنت بعيط، وحزين أوي على نفسي، وعلى الأعمال اللي حاولت أتواجد فيها بشكل كويس".
وأضاف: "في أعمال بحرص يكون ليها هدف، وأكون قدوة فيها، ولكن حسيت إن عمري في المهنة دي اتاخد مني، كأني كنت بفحت في بحر، مع إن وأنا بشتغل كنت واثق إني بعمل حاجة تعيش".
وتابع: "كنت دايما بقول مقولة "مش مهم الناس تسقفلي وأنا موجود، المهم لما أمشي يقولوا الراجل ده بيعمل حاجات محترمة".
وأكمل: "لكن للأسف البوست اتفهم غلط، وأثر فيا ودايقني جدًا، حسيت إن الناس حزنت عليا أكتر ما كنت حزين على نفسي".
