ميدو يفتح النار على مسئول بارز: «ليه عايز الناس تبقى فاشلة زيك»
فتح أحمد حسام ميدو النارعلى أحمد مجاهد رئيس اتحاد الكرة المصري السابق، بسبب افتعاله لأزمات تورط اتحاد الكرة المصري الحالي برئاسة جمال علام.
قال ميدو في تصريحاته عبر برنامج "الريمونتادا" على قناة المحور: "الكرة المصرية هي اللي عملت أحمد مجاهد، وأنت بتشتغل دلوقتي في الاتحاد الأفريقي ومعاك منصب بتقبض منه كويس، ليه عايز تفتعل الأزمات ومركز إنك تحارب الكورة المصرية".
وأضاف: "ليه عايز الناس كلها تبقى فاشلة زيك يا أحمد يا مجاهد، نفسي أعرف مين اللي وراك، والكل ساكت على تاريخ عيلتك أو بعض الأفراد فيها".
وختم حديثه قائلا: "لازم اتحاد الكورة الحالي يرد على الناس اللي بتحاربه، ولازم يبقى ليكوا وقفة قدام أحمد مجاهد اللي عايز يحارب الكورة المصرية، ويفتعل أزمات فيها، مجاهد اتحط في نفس الموقف وسموحة طلب المشاركة في الكونفدرالية في عهده واتحاد الكورة قاله دي مش قصتنا، ومجاهد رد قالهم روحوا اشتكوا في الاتحاد الأفريقي ليه عايز كل الناس تبقى فاشلة زيك".
