طارق الشناوى: ”محمد منير وعمرو دياب تربعوا على عرش الساحة الفنية لهذا السبب”

حل الناقد الفنى طارق الشناوى ضيف على برنامج "التاسعة" الذي يعرض على القناة الأولى المصرية ويقدمه الإعلامي يوسف الحسينى وتحدث خلال الحلقة عن الكثير من الأمور الخاصة بالساحة الفنية خلال الفترة الحالية.

حيث تطرق في حديثه عن كيفية تمكن الهضبة عمرو دياب والكينج محمد منير من التربع على القمة لأكثر من ٤٠ عامًا بذكاء، قائلًا: "هما عملوا حاجة مهمة جدًا، مدخلوش في معارك ضد أي حد بيطلع، اللي يطلع وينجح ينجح، وأستفيد منه، أفهم هو نجح ليه حتى لو إنت بتغني مهرجانات أو راب، أو بتغني كلام ممكن أنا مقدرش أقوله، أستوعب كل حاجة."

وتابع طارق الشناوى خلال حديثه قائلًا: "عمرو دياب مثلا استفاد من التكاتك، لو إنت بتتابع التكاتك حتلاقي دايما على ظهر التوكتوك حكمة مكتوبة، الكلام ده ثقافة، والثقافة دي حتلاقيها في أغاني المهرجانات، هو خدها ناحيته وقدمها."