كاشفة عن اسمها الحقيقي.. روبي: «ولعت في البيت واعترفت للشرطة» - فيديو

كشفت الفنانة روبى، تفاصيل إشعالها النيران فى منزلها، قائلة: "أنا حرقت البيت فى مرة بسبب الطبخ، لأنى قررت أعمل بطاطس محمرة".

وأضافت روبى خلال حوارها مع الإعلامية منى الشاذلى فى برنامج "معكم" المذاع على قناة "سى بى سى"، مساء اليوم الخميس: "أنا بحب أسوى الأكل على نار هادية، ونمت وسبت البطاطس على النار وصحيت الصبح لقيت المطبخ بيولع".

وتابعت: "لما الشرطة سألت على سبب الحريق رديت وقلت لهم أنا السبب لأنى سبت البطاطس على النار ونمت".

وفى سياق آخر، كشفت الفنانة روبى، عن اسمها الحقيقى، قائلة: "اسم روبى فنى بحت وأنا اسمى رانيا، واستغربت الاسم ده فى البداية"، معقبة: "لما كنت بعمل فيلم سكوت هنصور مع المخرج يوسف شاهين، قالى إنتى اسمك هيبقى روبى وعجبنى الاسم لأنه سهل النطق ومختلف".

وتابعت: "فى الشارع الناس كانت بتفتكر اسمى رباب لأن اسم روبى مكنش متداول ساعتها، وفى البيت عائلتى بتقولى رانيا مش روبى".