آخر كلمات الفنانة سهير البابلي قبل وفاتها.. فيديو

كشفت ابنة الفنانة الراحلة سهير البابلي، نيفين الناقوري، آخر كلمات والدتها، وتفاصيل اللحظات الأخيرة قبل وفاتها.

وقالت نيفين، خلال لقاء لها ببرنامج "بالأصول"، المذاع على قناة الشمس: "قبل ما تتوفى بساعات، عملت شق حنجري، عشان يشيلوا الجهاز وتبقى طبيعية، لكن للأسف مستحملتش".

وأضافت: "آخر حاجة قالتها قبل وفاتها، سألتها أنا مين، راحت قالتلي نيفين، وبعدها توفت، لما بفتكر اللحظة دي بفتكر أن ربنا راضاني، لأنها مقالتش غير اسمي ومشيت".

وتابعت: "الممرضات حبايبها كانوا حلوين أوي، عملوا لها جناح لوحدها، كانوا يقولوا بتعاتبنا بعينيها من غير ما تتكلم".

وواصلت نيفين: "أنا حتى الآن بنام في أوضتها وعلى سريرها من أول يوم، ساعات اتقلب كده، بحس أن في هيئة ليها وبحس بدفاها وريحتها".