أحمد فلوكس يهاجم نقيب الممثلين: «إتقي الله آلام الفنانين مش سبوبة» - فيديو

وجه الفنان أحمد فلوكس، عدة انتقادات لنقيب المهن التمثيلية، الفنان أشرف زكي، بعد القرارات التي أعلنتها النقابة مؤخرًا، وإقامة ما يسمى بمهرجان الدراما.

وقال فلوكس، في مقطع فيديو عبر صفحته على إنستغرام: "في ظل أن في ممثلين اشتكوا أن مفيش فلوس ومفيش شغل، زي أستاذ خالد زكي، طلع النقيب بتاعهم يعلن عن مهرجان للدراما، اللي هي أساسًا منتهية، وإحنا شوفنا نتيجة الدراما والفن في كل القضايا اللي حصلت في الكام شهر اللي فاتوا".

وأضاف: "نقيب المهن التمثيلية، مستمر في أفعاله التي لا يحاسب عليها، ولما طلعنا قولنا أنه ميصحش عيب يعني، مش وقت سبوبة بالبلدي، لأن دي اسمها سبوبة".

وتابع: "طلع قالك إحنا بنعمل دار مسنين، سبوبة أكتر، ومتاجرة أكتر بآلام الفنانين الكبار، اللي مش لاقيين يعيشوا، فبيقولكم تعالوا أنا هعمل دار، وألم عليكوا فلوس".

وأكمل فلوكس: "عيب، اللي أنت بتعمله ده عيب، ولا يصح، ولا يليق، إتقي الله، إحنا ميتاجرش بينا".