شاهد.. أحمد صيام يكشف سبب رفضه لأدوار فنية معينة ويعلق على إلهام شاهين
كشف الفنان أحمد صيام، لأول مرة سبب رفضه للقيام بدور شخص شاذ جنسيًا، عُرض عليه في الماضي.
وقال صيام، خلال استضافته ببرنامج "نص الكلام"، المذاع على قناة النهار: "إلهام شاهين مثلا شخصية كويسة جدًا، لكن في ناس قطعوها لأنها عملت كام شخصية جريئة، ده المجتمع الشرقي لا يستطيع أن يفصل بين الحقيقة والتمثيل، بعكس المجتمع الأوروبي".
وأضاف صيام: "أي اتنين متجوزين في مصر وبيطلقوا بيقطعوا بعضهم، عشان كده لو بنتي اتعرض عليها دور مثير للجدل هقولها ترفض، عشان متعرضش نفسها لموقف محرج".
وتابع الفنان: "أنا قابلني أدوار كتير معملتهاش، مثل شخصية رجل شاذ جنسيًا، لكن رفضتها عشان مقدرش أعملها".
وواصلت: "مع أن من أهم الأدوار اللي عملها خالد الصاوي في حياته عمارة يعقوبيان، لكن أنا غيره مقدرش أقبل أعمل دور زي كده".
