«هيحصلك إيه تاني».. رسالة قاسية من متابع لـ رامي جمال بسبب إصابته بالبهاق
تعرض الفنان رامي جمال، لهجوم شرس من أحد متابعيه على حسابه الرسمي عبر موقع الصور الشهير «إنستجرام» حيث انتقده بسبب عمله في الوسط الفني.
وجاء تعليقه كالتالي: «يا أخي أنا مش فاهم يعني ربنا جابلك منه وعانيت منه كتير أوي وبعد ما ربنا شفاك راجع بردو تغني وانت عارف أن الغناء حرام انت مستني يحصلك إيه تاني».
وحرص «جمال» أن يرد عليه على هذا المتابع قائلًا: «بص يا سيدي أنا ربنا راضاني والحمد لله لسه الابتلاء زي ما هو بس لو عاوز الحقيقة انت اللي محتاج علاج من كلامك اللي زي الرصاص، لو أنا غلط في حاجه تعتقد إن طريقتك دي ممكن تبقي الصح».
وأضاف: «أنا للأسف اني كنت بشوف أراء الناس الإيجابية والنقد البناء واللي طمعانين في حاجه أفضل لان دائما في أفضل طبعا فشوفت كلامك على الصبح».
واختتم حديثه قائلًا: «مش هقولك غير ربنا يسامحك علي القسوة وده واثق إنه مش حب واللي هيحاسبنا ربنا يا عالم مين أحسن من مين وكلنا بشر مش أنبياء ممكن نخطئ ونصيب والهداية من رب العالمين يومك أجمل من قلبك إن شاء الله».
جدير بالذكر أن رامي جمال، تصدر مواقع التواصل الاجتماعي وتريند جوجل خلال الأيام الماضية، بعدما أعلن استعداده لطرح ألبومه الجديد الذي يحمل عنوان «يستاهل بوستين».
ويتكون الألبوم من 12 أغنية منهم: «شفت الحقيقة، أدبتنا الدنيا، بقيت أخاف، خلينا قاعدين، شوية عني، قمر ومنور، موقف صعب، أنا دلعت، مسيرى أنساك، وفي جمال كده، سيبنا بعض، كلميني».
وتعاون رامي جمال، في هذا الألبوم مع نخبة من أبرز الشعراء منهم: «أمير طعيمة، محمد أبونعمة، أحمد عبد النبي، عمرو المصري، محمد عاطف، وإبراهيم جاد، أحمد المالكي».
ومن الملحنين الذي تعاون معهم: «مدين، محمود أنور، أحمد العدل، محمد أنيس»، أما الموزعين: «تونا، أحمد إبراهيم، إلهامي دهيمة، وسام عبد المنعم، أسامة الخطيب، أحمد حسام، يحيى يوسف».
