منى فاروق: «ليه بتطلعوا إشاعات رخيصة عني ومش بتفكروا في أخرتكم»
مصر 2030 مصر 2030أكدت الفنانة منى فاروق على غضبها الشديد، حيث كتبت على حسابها بموقع الصور الشهير إنستجرام :«يلا الاستوري دي أعملها ترند كمان ياللي مش بتخافوا ربنا بجد عندي سؤال مهم ..؟؟ ليه مركزين في حياتي..؟ ليه كل حاجه أعملها تطلعوها ترند..؟ ليه مش سايبني في حالي..؟ ليه مش عاوزني اعيش زيكم ..؟ ليه مش عاوزني أشتغل وأكبر وأنجح ...؟؟ ليه بتحاسبوني ..؟؟».
وتابعت منى فاروق :«ليه بتحاربوني في رزقي وحياتي ..؟ ليه مستنين ليا اي حاجه عشان تتكلموا عني وعن عرضي واهلي ..؟ ليه مستكترين عليا اي حاجه حلوه تحصلي ..؟ ليه كل يوم أصحا علي خبر أوحش من اللي قبله ..؟ ليه بتطلعوا اشاعات رخيصه عني..؟؟ ليه انا شغلتكم ...؟؟ ليه بتتكلموا عني بالباطل حتي لو طلعت قولت كلام عادي ...؟ ليه عاوزين بتوجعوني ...؟».
وأضافت: «ليه مش من عاوزني أعيش ...؟ ليه مش بتفكروا في أخرتكم ...؟؟ ليه مش بتفكروا لو ربنا كشف ستره عنكم هيحصل فيكم إيه.. ! حسبي الله ونعم الوكيل في كل إنسان بيتكلم في عرضي ويقول إشاعات وکل إنسان ربنا ستره دي نعمه مش حاسس بقيمتها عشان مش بتحافظ عليها وحسبي الله في كل إنسان بيكره جمهوري فيا .... ربنا موجود وهينصرني علي كل ظالم .. من كان منكم بلا خطيئه فليرمها بحجر دع الخلق للخالق حسبي الله ونعم الوكيل».