«أبو أخته».. أول تعليق من صاحب قهوة على شريط قطار بكفر الشيخ
تداول عدد من رواد مواقع التواصل الاجتماعي صورة لمقهى على شريط قطار بكفر الشيخ، ومعروفة بـ «محروس أبو أخته»، مما أثار حالة من الجدل بين المواطنين متسائلين عن حقيقة الأمر.
فقال صاحب القهوة عبر تصريحات صحفية: «مأجرها من السكة الحديد زي أي حد، وعملت قهوة عبارة عن مبنى معروش بالخشب، والناس في الصيف بتحب تقعد في الطراوة فبتاخد الكراسي وتقعد على القضبان، وبنقدم ليهم المشروبات بشكل عادي بعد الساعة 9 بالليل».
وبعد تداول صورة المقهى عبر السوشيال ميديا، قامت قوات الشرطة بالتوجه إلى المكان، وذلك حسب تعليقات الشباب على الصورة.
حيث كتب أحدهم: «بنقعد على القهوة دي من زمان، وفجأة لقينا الشرطة جاية تسألنا قاعدين إزاي على قضيب القطر، فاستغربنا وقالولنا دي صورة منتشرة».
ورد صاحب المقهى قائلا: «أنا بقالي 12 سنة شغال، الزباين هي اللي بتاخد الكراسي وبتقعد على قضيب القطر بعد الساعة 9 بالليل، آخر قطار بيمر من عندنا الساعة 8 وتلت مساءً، ودا اللي بيشجع الناس تقعد بالمنظر ده بعد 9 بالليل في الحر».
