«مرتبطة ولا لأ».. رد مفاجئ وغير متوقع من هدى المفتي
ردت هدى المفتي على ما تداول بشأن ارتباطها على مواقع التواصل الاجتماعي، وذلك خلال استضافتها في برنامج «معكم منى الشاذلي» الخميس.
حيث قالت هدى المفتي خلال استضافتها في برنامج «معكم منى الشاذلي»، أنها لا تحب أن يتدخل أحد في حياتها وقالت: «مبحبش حد يتدخل في حياتي.. أو يسأل في تفاصيل شخصية، بحب أحط ستوريهات وصور وحاجات أحيانا يبقى محدش فاهمها وأنا بس اللي فاهمها».
وأوضحت: «بحب يبقى فيه حاجات عن شغلي أكتر.. مبحبش حد يتدخل في حياتي، ولا يتدخل بطريقة غير لائقة، أو أتسأل أسئلة شخصية».
وردا على سؤال الإعلامية منى الشاذلي: «زى إيه الأسئلة.. مرتبطة ولا لأ؟» قالت هدى المفتي: «مش هاحكي حاجات خاصة، أو تفاصيل الشخص اللي مرتبطة بيه أكيد».
وحول مواصفات فتى أحلامها قالت: «معنديش مواصفات فيه صفات، وفيه فرق كبير، مواصفات بتتكلم عن الشكل، والشكل آخر حاجة أفكر فيها، لأن الحاجة من بره مبتتقريش، ومبيفرقش معايا الشكل نهائي، لا ده ول اده، يفرق معايا الإنسان بشكله وروحه».
وتابعت هدى المفتي :«أنا شخصية رومانسية حساسة جدا لكن بعرف أضبط نفسي، بس فيه ناس لما بتشوفيهم ممكن تحسي لحظة ضعف، وتحبي، وبحب الانسان بعيوبه، مبحبش أغير فيه، ليه أغير إنسان؟ أحبه بعيوبه، طب ماكنت رحت لحد تاني من الأول مفيهوش العيوب دي! وبفكر إن أنا كمان في عيوب».
وأضافت: «أهم حاجة في اللي أختاره عندي حاجات أساسية، يكون شخص مبيقللش مني، ولا ينتقدني، وخاصة لو نقد دائم».
