غادة إبراهيم: «سقطت 3 مرات وجازفت بحملي لصالح الشغل»

كشفت الفنانة غادة إبراهيم، عن الأسباب التي أدت إلى حرمانها من الأمومة، قائلة: "سقطت 3 مرات وجازفت بحملي لصالح الشغل".

وقالت غادة إبراهيم، خلال استضافتها عبر قناة الشمس: "أنا شيلت المسئولية بدري جدًا، كنت أكبر أخواتي، واشتغلت من بدري، ماما مكنش لسه عندها دراية بالشغل، ومفيش فسح، أو خروجات".

وأضافت: "آخر طفولة عيشتها كانت مع بابا الله يرحمه، أنا مبنامش كويس، ولو محتاجة أنام 8 ساعات لازم أخد منوم".

وتابعت: "إحنا مش مرفهين، إحنا عايشين في أرق وتوتر طول الوقت، وقلائل جدًا في الوسط الفني، اللي يتقال عليهم سعداء".

وأكملت: "حملت 3 مرات كان عندي بالصدفة مسرح، كل ما أوصل للتالت أسقط، حتى حماتي كانت زعلانة مني"، متابعة: "أنا جازفت وعملت المعادلة الصعبة، قدر الله ماشاء فعل لو ربنا كاتبلي حاجة أكيد هشوفها".