رسالة غير متوقعة من مفيدة شيحة للزوجة التانئة.. ماذا قالت؟

وجهت الإعلامية مفيدة شيحة، رسالة تحذيرية شديدة اللهجة لطلبة الجامعات: "بقول لكل طالبة في الجامعة متخليش حد يضحك عليكي ويقولك هنتجوز دلوقت ولما نتخرج يبقى رسمي".

وأضافت شيحة، خلال حلقة اليوم من برنامجها "الستات" المذاع عبر قناة "النهار وان"، : "البنت أو الست اللي تقبل الزواج العرفي تكون هبلة رسمي، معقبة: "مفيش راجلا بيفضل على حاله وهتندمي بعدين والزواج دون أي إشهار هو عملية نصب على المرأ".

وتابعت شيحة: "أما بالنسبة للست اللي بتقبل تكون زوجة تانية، بكرا هتيجي واحدة تالتة تاخده عادي لأنه من البداية اتجوز على مراته وانتي الزوجة الثانية فعادي تجي عليكي التالتة".

وأكملت: "الحب مش هو السبب الوحيد للزواج، مش شيء كاف أنك تتجوزي شخص لمجرد أنك حبتيه، الحب يضيع مع أول خلاف أو تعود فكري بدماغك صح مش بعواطفك عشان تختاري صح".

وفي وقت سابق، شنت الإعلامية مفيدة شيحة، هجوما حادا على الصديقات اللاتي يقومن بخيانة صديقاتهن عقب دخول بيتوهن والاطلاع على أسرارهن الزوجية تحت مسمى الصداقة.

ووجهت الإعلامية مفيدة شيحة، رسالة لصديقاتها على الهواء، قالت فيها: "لو صديقتي خانتني مع جوزي أو خطفت جوزي مني هفش غلي فيها".

وأضافت: "أنا في الخيانة مش هسيب حقي أبدًا، وإزاي يحصل أصلا، وإزاي أعطي الأمان لصديقة عمري ويحصل كده، معقبة: "لو صاحبتي عملت كده أنا مش هقاطعها الحقيقة، هقطعها وبعدين أقاطعها يعني خيانة من كله، دي صدمة حقيقية".

وتابعت: "هذه الأنواع من الخيانة تسبب صدمة كبيرة وحالة من الندم على منح الثقة لمن لا يستحق، معقبة: "خلوا بالكوا يا ستات من الخيانة وخاصة من أقرب الصديقات".