إهدار مال عام.. مفاجأة مدوية بشأن صفقة الأهلي المنتظرة

فجر أحمد ديدا وكيل اللاعبين، مفاجأة بشأن مصطفى شلبي لاعب الفريق الأول لكرة القدم بنادي إنبي، وصفقة الأهلي المنتظرة خلال فترة الانتقالات الصيفية الجارية.

وكتب وكيل مصطفى شلبي السابق عبر حسابه على موقع التواصل الاجتماعي "فيسبوك": "صباح الخير، أنا أول مرة أقول الكلام ده علي الفيسبوك، بس إحقاقًا للحق عشان الناس تعرف أن في شئ غلط جوه الأهلي مش من دلوقتي".

وتابع: "أنا عرضت مصطفي شلبي علي الأهلي في 2019، لما كان في القسم الثالث وقتها حد في اللجنة الفنية للأهلي، قالي حرفيًا الأهلي مش هيجيب لاعب من القسم الثالث، علي فكرة اللاعب وقتها كان هينضم مقابل حوالي 2 مليون جنيه".

وواصل: "بعدها جبت لجنة من الإسماعيلي بقيادة المحترم كابتن عادل أبو جريشة، وأخويا وحبيبي كابتن عطية صابر لماتشات الترقي للممتاز ب وقتها بترول أسيوط كان بيلعب تالتة، واللاعب عجبهم جدٍا وتم توقيع العقود".

وأكمل: "بس الله يسامحه الحج محمد خلف اللي كان ماسك تعاقدات الإسماعيلي، قعد يفاصل مع الأستاذ محمود تغيان وأجارك الله لما تفتح دماغك مع حد زي استاذ تغيان، هيكرهك في حياتك أصلًا، وطبعا علي حقه وشطارة منه وبحترمه عليها".

وأضاف: "دلوقتي الأهلي قدم عرض لإنبي لضم شلبي مقابل 20 مليون ممكن توصل لـ 30 مليون، علي حسب مصادر بثق فيها، يعني لو كان الأخ بتاع اللجنة الفنية سمع كلامي وجه شاف اللاعب بدل الحنيكة الفارغة بتاعتهم، دي كان زمان الأهلي كسبان لاعب متميز جدًا ومتطور وببلاش".