ما الغدة المسئولة عن إعجاب شخص بآخر؟.. شاهد المفاجأة
كشف الدكتور محمد صوان، أستاذ جراحة المخ والأعصاب بالقصر العيني، عن أهم الغدد الموجودة في الجسم، ودورها في إعجاب شخص بشخص والانجذاب ليه.
وقال أستاذ جراحة المخ، خلال استضافته ببرنامج "الستات"، المذاع على قناة النهار: "المخ فيه غدد مسئولة عن حياتنا، ورغم أنه أكثر عضو معقد في جسم الإنسان، إلا أنه متصل بكل الجسم.
وأضاف: "حد شاف حد وحس أنه معجب به أو مرتاح له نفسيًا، ده بيكون حقيقة، عندنا جزء في المخ مسئول عن استقبال الداتا دي، ويرميها للغدة الأهم، وتسمى "تحت المهاد"، وهي مسئولة عن كل الهرمونات في الجسم".
وتابع: "واحد شاف واحدة أعجبت به، ده هرمون، أو شهوة بتستمر فترة قصيرة جدًا، وقابلة للتغيير، لكن المخ مش بيبقى قادر يركز في الفترة دي، وبيكون معمي عليه، وبالتالي الشخص مش بيكون قادر ياخد القرار الصح".
