مذبحة للأشجار بمدينة نصر.. ومواطن: ”بتتحول لقاعات أفراح وأكشاك”
أثار قطع أشجار بعض الحدائق بمدينة نصر، غضب المواطنين، وتحديدا بعد تحويل أجزاء كبيرة منها إلى صالات لإقامة الحفلات والأعراس.
وناشد المواطنون رئيس الوزراء، بالتدخل ووقف مذبحة الأشجار في مدينة نصر، وتنفيذ تعليمات الرئيس عبدالفتاح السيسي بالاهتمام بالزرع والأشجار.
وقال أحد المواطنين: "بوابة حديقة العاشر من رمضان بشارع الطيران لسه متجددة بمبلغ من شهرين دلوقتي بتتهد والسور بيتهد وبيتم الاستيلاء على جزء كبير منها، بعد ما اتاخد جزء اتعمل قاعات أفراح والحديقة اللي أمامها اتعملت بنزينه".
وتابع: "الشجر بيتقطع والحدائق بتتسرق وحاجة كده يأجوج ومأجوج فى أي حته خضراء، الحديقة آخر مكان أخضر فى شارع الطيران، إزاي عاملين حملة بملايين اتحضر للأخضر وإنت بتتحضر بالأسمنت والبنزينة والأكشاك".
يذكر أن قسم شكاوى المواطن في "بوابة مصر 2030"، يقدم خدمة استقبال شكاوى، واستفسارات القراء، والمتابعين طوال الوقت، في محاولة لرفعها إلى المسئولين من خلال التواصل معهم مباشرة لإيجاد حلول مناسبة.
