أزهري: أنا بكلم واحدة قاعدة في المريخ «فيديو»

وجه الشيخ رمضان عبد المعز، أحد علماء الأزهر الشريف، رسالة لبعض مهاجمي الحجاب من النساء، قائلًا: "أيها النساء الفضليات المحترمات الكريمات ربنا سامع سميع، سميع لمن تهاجم الطرحة".

وأضاف عبد المعز، خلال تقديمه برنامج "لعلهم يفقهون"، المذاع عبر فضائية "دي إم سي"، اليوم الاثنين،: "اللي مش عايزة تتحجب هي حرة بس ملهاش دعوة بغيرها، مش عاوزة تلبسي طرحة براحتك بس متشليش أوزار غيرك".

وتابعت: "اللي مش عاوزه تلبس الحجاب هذا أمر يخصها مع الله، معقبا:"أنا بتكلم واحدة مش قاعدة معانا على فكرة واحدة قاعدة في المريخ متعرفوهاش عشان محدش يقولي أنت بتتكلم على مين".

وأردف: "اللي بيشيل أوزار غيره ناس مش عاقلة، أنت حر في قرارات بس ملكش دعوة بغيرك، معقبًا: "روح لربنا بشنطتك بس متشلش شنط غيرك".

وأنهى بالقول: "مش عاوزة تتحجبي ده قراراك أنتي حرة تشيلي أوزار غيرك ليه؟، واحدة مش عايزة تستعفف هي حرة هي وربنا، تقفل على نفسها ولا تأمر غيرها بترك العفة حتى لا تحمل وزرها".