مستشفى 57357 تستغني عن 400 موظف وعاملة تروي تفاصيل صادمة
قدمت علياء أحمد، إحدى العاملات بمستشفى 57357 طنطا، استغاثة بشأن تجاوزات تتم بالمستشفى، قائلة: "للأسف مستشفى 57357 طنطا اللى قضيت فيها أكتر من 3 سنين في وقت محوري جدا في حياتي وحياة مرضى كتير اتشرف إنى خدمتهم من خلال منظومة علمية وصحية محترمة، أصبحت النهاردة خالية وخاوية على عروشها".
وتابعت علياء أحمد خلال استغاثة لها عبر حسابها على موقع التواصل الاجتماعي: "اللى يوجع القلب أنه تم التخلي عن أكتر من 400 موظف دون أي خطاب رسمي أو توجيه كلام ليهم فضلا عن إشراكهم في القرار حتى اللحظة الحالية".
واستكملت: "بنظرتي المحدودة ده فشل إنساني قبل منه إداري؛ لأن إدارة الأزمة تستوجب الوضوح والصراحة اللى من غيرهم يتحول الحزم لظلم باطش، أنا اسفة أنه ده بيحصل وأسفة إنه الـCEO مدي توجيهات إنه الناس تتحرم من التعبير على صفحة المستشفى اللي هي بيتهم بفلوس الناس الغلابة".
واستطردت: "على سبيل المثال وليس الحصر لما ميعجبوش كومنت من موظف أفنى سنين عمره في المستشفى بيعبر عن حقه ونحط ألف خط تحت حقه في أنه يتواجه بشكل رسمي ويتراعى يتمسح الكومنت والشخص ياخد بلوك وده اتكرر مع أكتر من حد من الموظفين".
