مسميينها تعويذة.. محمد عبد الرحمن: «دعوات والدتي نجتني»

تحدث الفنان محمد عبد الرحمن، عن كواليس الأزمة الصحية الأخيرة التي تعرض لها، وخضع خلالها لعملية قلب مفتوح.

وقال عبد الرحمن خلال حديثه ببرنامج "معكم منى الشاذلي"، المذاع على قناة سي بي سي: "اللي حصلي كان حاجة كبيرة أوي بس محستش بيها، إحنا هنا بنخاف من الدكاترة، فممكن الواحد دراعة يتكسر قدامه ويركبه ويقول أنا تمام".

وأضاف: "أنا كنت دايمًا حاسس بتعب بس مكنتش عايز أروح للدكتور، وكمان كنت مدخن ومكنش عندي فكرة إني عندي حاجة في القلب وبيجيلي أدوار عادية برد وكده".

وتابع: "اتضح أن عندي 3 شرايين مسدودة، والحمد لله دعوات والدتي نجتني ودعوات الناس اللي بتحبني، أمي بتدعيلي قبل أي شغل أو مشوار مهم وأصحابي مسمينها تعويذة".

وواصل: "لما خرجوا وقالولي إحنا مركبناش دعامات، وفي قرارات مينفعش ناخدها لوحدنا دا قلب مفتوح، واتخضيت وبقيت أقول الحمد لله".