«المزاريطة كلها ناموس حقيقي».. دنيا سمير غانم توضح أسباب عدم مشاركتها في مسلسل «الكبير أوي»
أوضحت الفنانة دنيا سمير غانم، أسباب عدم مشاركتها في مسلسل الكبير أوي بجزأيه الماضيين، معربةً عن حبها الكبير لأسرة المسلسل وإعجابها بأداء الفنانة الشابة رحمة أحمد التي لعبت دور مربوحة خلال أحداث الجزء السادس.
وأكدت دنيا سمير غانم خلال لقائها في راديو إنرجي: الناموس كان حقيقيًا في المزاريطة وكل الكاست هيقول إن الناموس في المزاريطة حقيقي، والعمل كان جميل جدًا ما شاء الله وبيضحك، ومربوحة جميل جدًا وشاطرة أوي وعملت الشخصية بطريقتها ما شاء الله.
وتابعت دنيا: بحب المسلسل ولما مشيت من المسلسل كنت متضايقة ولكن كان جوايا لسه حاجات تانية أعملها، شبابي بيدّفن تحت الباروكة والجلابية وعايزة أعمل حاجةـ كنت بقف أقولهم كده، وممكن أبقى غلط وممكن أبقى صح.
وأضافت دنيا عن مشاركتها في موسم رمضان المقبل 2023، قائلة: لسه محتارة في رمضان دلوقتي بختار أعمل مسلسل ولا فيلم مع المسرح، كده كتير مع حياتي هنهار منكم، ومسلسل عالم موازي كان مفروض رمضان اللي فات ولكن منزلش.
وطرحت دنيا سمير غانم فيلم عالم موازي مؤخرًا، في دور السينما المصرية والعربية، وحقق نجاحًا كبيرًا حتى الآن، وشارك بالفيلم كل من الفنان هشام ماجد ودلال عبد العزيز وبيومي فؤاد ولوسي ومحمد ممدوح ومحمد أوتاكا وعبد الله مشرف ومحمد حسني وأحمد فتحي وعمرو وهبة وجورج عزمي.
