فاتن موسى تنعي شقيقها بكلمات مؤثرة
كشفت الإعلاميه اللبنانية فاتن موسى عبر حسابها على موقع الصور الشهير إنستجرام وفاة شقيقها على موسى.
ونشرت فاتن موسى صورة شقيقها ووالدتها وكتبت: «على حبيبي وحبيب روحي كده ودعت ماما بالمطار.. على أمل ترجع ودايما كنت تضحكها وتوعدها إنك مش هتطول.. طول الوقت كنت مبحبش أشوف الصورة دي لأن فيها دمعة أمي على فراقك.. كسرتلها ضهرها اليوم يا علي وكسرت ضهر بابا ومنى وزينه وضهري.. والله أنا كنت بقوى بيك وبماما على مصايبي واتخطي كل حزن طول ما أنتو بخير.. والله ما كنت عايزة حاجه من الدنيا إلا إنكم تكونوا بخير وقدامي وجمبي وحواليا.. وتحملت كل شيء وأي شئ بس عشانكم ومعكم طالما شادة ضهري بيكم وطالما أنتو بخير».
وأضافت الإعلاميه فاتن موسى: «وبقيت كويسة عشان ماما تبقى كويسة وشادة حالها وبتضحك.. قد إيه حملنا هموم وقد إيه قلبها حمل همنا.. وما صدقت صحتها اتحسنت وصحة بابا.. لحد ما انفجعوا بخبرك يا حبيب روحي.. أنا عايشة وأنت بآخر الدنيا لحالك.. الله يعوضك بالجنة عن كل الوجع والاغتراب والوحشة والكفاح والصبر اللي شوفتهم بالدنيا يا علي يا حبيبي.. أنت شهيد بإذن الله عنده بنحتسبك شهيد».
وتابعت فاتن موسى: «الله يكرم روحك بالجنة ونعيمها يا علي يا عمري يا شهيد يا حبيبي ويعوضك فيها عن كل وسخ الدنيا الفانية.. وتكون مبسوط ومرتاح ومتطمن يا أخويا.. سامحني اتأخرت عليك ما قدرت أكون جمبك ولا أودعك.. عارفه قد إيه كنت بتحبني وتقويني وتنصحني وتدعيلي.. ما نسيت ولا كلمه قولتهالي يا أخويا.. حسبي الله ونعم الوكيل.. والله يجعل الجنة والفردوس الأعلى مثواك يا حبيبي قلبي ويربط على قلبنا ويصبرنا على فراقك يا روحي.. أخدت روحي معاك يا علي.. إنا لله وإنا إليه راجعون.. أرجوكم الدعاء لأخي بالرحمة والجنة ونعيمها».
اختتمت فاتن موسى نعيها لشقيقها، وقالت: "موت بحالك وحيد غريب مظلوم بتناضل من أجل لقمه العيش.. وكان بقلبك إيمان كبير.. وثقه ويقين إنه ربنا هيعوض تعبك وتحقق أحلامك وأحلام بنتك وترضي أمك وأبوك.. أنت بإيدين رب الكون رب العالمين الرحمن الرحيم أرحم مني ومنك عليك يا أخويا" .
