عمرو السولية: «مؤمن زكريا مفيش حد في مصر مش بيحبه» - فيديو
فاجأ عمرو السولية، لاعب النادي الأهلي، مؤمن زكريا، خلال حلقة برنامج "صاحبة السعادة".
وعلق مؤمن زكريا على ظهور عمرو السولية: "دي أحلى مفاجأة وده أخويا وحبيبي".
وقال عمرو السولية، إنه كان يتقابل مع مؤمن زكريا في منتخب مصر، مردفا: "كنا بنعمل البلاوي كلها مع بعض ولما روحنا لنادي الأهلي علاقتنا بدأت تكبر".
وتابع عمر السولية في حديثه عن مؤمن زكريا: "مؤمن غير إنه لاعب مميز وراجل شخص محترم جدا وابن بلد وقت ما تحتاجه تلاقيه، ومفيش حد في مصر مش بيحبه سواء أهلي أو زمالك".
واستكمل حديثه: "مؤمن حبيبي وأخويا وعلى طول بنتكلم مع بعض وباخده نروح نحضر الماتشات مع بعض".
وتحدثوا عن طقوسهما المشتركة قبل المباريات، وقال عمرو السولية: "إحنا الاثنين لازم دايما ناكل قبل ما ننام، ومن النوع اللي لو أكلنا أي حاجة وزننا مش هيزيد وبنجوع بسرعة.. مؤمن بيتفاءل بالفراخ البانيه ولازم ياكل بانيه قبل الماتش وكان بيتفاءل بالبانيه".
