شاهد: سر بكاء كندة علوش في مهرجان فينيس

تحدثت الفنانة كندة علوش، عن كواليس مشاركتها في مهرجان فينيس السينمائي لفيلم "نزوح"، رغم إنجابها لطفلها حديثًا.

وقالت كندة، في مداخلة هاتفية لبرنامج "كلمة أخيرة"، المذاع على قناة أون: "أنا مش من محبي اللبس والتألق والشعر والميكب وكل ده، كان عندي شعور بالذنب إزاي هسيب الطفل، فقولتلهم أنا بعتذر، أنا حتى مفرحتش".

وتابعت: "لما كنت قاعدة بدردش مع عمرو قالي، أنتي تعبتي أوي أثناء تصوير الفيلم ده، قالي أنا هطلع معاكي، فتشجيع عمرو فرق معايا، ووجود والدتي ووالدة عمرو كمان".

وأكملت: "اللي لفتني في الفيلم أنه معمول بطريقة خفيفة وقريبة من القلب، مش تقيل، قصة بسيطة جدًا".

وواصلت: "قولت أنا نفسي أوي أعمله، واللي أسعدني رد فعل الجمهور، والتصفيق استمر لـ 10 دقايق وخلاني عيطت واتأثرت أوي".