”قالتلي عاوزاك”.. اعترافات مدير مدرسة متهم بهتك عرض معلمة
أحالت نيابة جنوب الجيزة الكلية برئاسة المستشار طارق حسنين المحامي العام الأول مدير مدرسة الأحلام الابتدائية للجنايات لاتهامه بهتك عرض معلمة واستغلال نفوذه الوظيفي.
واليكم نص اعترافات مدير مدرسة الطالبية من خلال التحقيقات :
س / ما تفصيلات ما حدث تحديدا وما هي أوجه دفاعك ؟
ج / اللي حصل إن كنت شغال مدير مدرسة الأحلام وفي الفترة دي حضرت الشاكية وكان معها ورق تطوع بالمدرسة وواقف على الموافقة الأمنية وطلبت منها تجيب الموافقة من إدارة التربية والتعليم وخلال الفترة دي اشتغلت في المدرسة تطوع لحين إحضار الموافقة.
وبعدها صدر قرار من الإدارة بإنهاء خدمة المتطوعين، وهي حضرت المدرسة وانا احتديت عليها وذهبت وبعد يومين رجعت المدرسة تاني وكانت هادية ودخلت عليا المكتب وقالت لي ينفع تشوف لي حل وأرجع اشتغل وقولت لها معنديش حل دلوقت وأقصى حل ارجعك فصلك النهاردة علشان تلمي فلوس المجموعات وذهبت الفصل فعلا.
بعد شويه نزلت تاني وكلمتني وقربت مني على الكرسي وأنا زقتها أكثر من مرة وخرجت برة المكتب ورحت للأستاذ بدير وقولت له المدرسة الجديدة بتتمايع ليه ورجعت المكتب ولقيتها بتقرب مرة أخرى وبدأت تلمسني وحطت رجلها جانب رجلي وانا قولت لها ربنا هداكي وأسلوبك اتغير ليه وجبتي الأدب ده منين.
فجأة قالت لي عاوزاك وقولت لها ابعدي عني مينفعش في المدرسة وبدأت تطلب مني طلبات مقابل أنها تعملي اللي انا عاوزه وبدأت تتكلم معايا، وقالت لي قولي الحاجات اللي في جسمي بمسمياتها وبدأت تسخني ولما سخنتني أنا ضعفت وقولت لها هنستني الفرصة المناسبة ولو مسكتي الكانتين هاجيلك علشان المدرسة فيها طلاب كثير وبعد كده هي طلعت فوق صوتت وقالت ابني عمل حادثة وعرفت انها بتعمل حوار علشان تعملي مشكلة وهو ده كل اللي حصل.
س من كان برفقتك آنذاك؟
ج/ أنا كنت موجود لوحدي بالمكتب بس في الغالب بيكون معايا رئيس شؤون العاملين وكان في اليوم ده كان مختفي بصورة مريبة.
س/ ما طبيعة عملك واختصاصك الوظيفي؟
ج/ حاليا اعمل بإدارة أبو النمرس التعليمية وسابقا مدير مدرسة الأحلام الابتدائية بالطالبية.
