لميس الحديدي للمواطنين: «الأسعار هتزيد تاني» - فيديو

قالت الإعلامية لميس الحديدي، إن الفترة القادمة، ستشهد حدوث ارتفاعات جديدة في أسعار السلع.

وأضافت لميس الحديدي، خلال ببرنامجها "كلمة أخيرة"، المذاع على قناة on، أن هناك سياسة مرنة لسعر الصرف الفترة القادمة يتبعها تراجع لقيمة الجنيه أمام الدولار، هنشوف ارتفاعات أخرى من الواضح أنها ستكون تدريجية".

وتابعت: "أرجو بقى من التجار اللي هما مسعرين اصلا من زمان على السعر الأعلى ألا يقدموا على رفع الأسعار، بلاش تلاقي سعر الدولار رايح في اتجاه السعرين فتقوم رافع تاني لأنك بالفعل عملت ده من فترة مش عاوزين تضخم كبير لأنه مهما ارتفع هيوصل لسقف معين مش هيتخطاه".

وأشارت إلى أن الدور في الفترة القادمة على المواطن والدولة في ذات الوقت قائلة: "الدور على الدولة والمواطن والدولة قبل المواطن ولازم الدولة تحدد أولويات المشروعات".

وأكملت: "مينفعش تقول هعمل كل حاجة فإذا كنت أنت هتعمل كده بتطلب مني ليه كمواطن أرشد؟ هتكملوا المشروعات كلها منين في الوضع ده؟ ولازم كمواطن أحس أن الدولة بترشد معايا مش بس بتطفي النور".