عمل فني جديد يجمع رنا سماحة وزوجها بعد انتهاء خلافتهما
تعاونت الفنانة رنا سماحة مع زوجها الملحن سامر أبو طالب في أغنية جديدة تحمل عنوان "شكرًا" وطرحتها على قناتها الرسمية عبر موقع الفيديوهات الشهير "يوتيوب" ويحتوي الفيديو كليب على لقطات من حفل زفافهما، وتعتبر هذه الأغنية أول تعاون بينهما بعد انتهاء خلافاتهما التى تصدرت مواقع التواصل الاجتماعى الفترة الماضية.
وعلقت رنا على الفيديو من خلال حسابها الرسمي عبر موقع الصور الشهير "انستجرام" قائلة: "من النهاردة خلاص شكرًا لف وحركات لأ ده زمان وجبر"، والأغنية من كلمات أحمد حسن راؤول، وألحان سامر ابو طالب، وتوزيع عمرو الخضري.
جدير بالذكر أن سامر أبو طالب كان وجه رسالة لزوجته رنا بعد انتهاء خلافتهما قائلة: "أولًا الحمد لله ثانيًا هقول الكلمتين الجايين دول لأم مالك مراتى حبيبتى وأم ابنى اللى اكتشفت فى الفترة اللى فاتت دى أنى ماقدرش أعيش من غيرها ولا حتى بكون مبسوط فى أى حاجة حتى أبسط الأشياء هى لازم تكون فيها معايا بحبها أوى بجد".
واضاف: "يمكن كنت أوقات بعند بس اكتشفت أنى فعلًا ما ينفعش أكون غير ليها وهى ماتنفعش تكون غير ليا آسف لو زعلتك فى أى حاجة وربنا يباركلى فيكى ويحفظنا من كل شر ويبعد عنا الحسد والحقد واللى كارهين يشوفونا مرتاحين وهاديين، والحمدلله دائما وأبدًا".
واختتم حديثه قائلًا: "نيجى بقى لبرنس قلبى ابنى وقرة عينى حبيبى وصاحبى وأخويا اللى لسه ماشوفتوش مالك مش هقولك غير أنى بحبك ولما تيجى بالسلامة هقولك حاجات كتير أوى نفسى أقولهالك ومش هتفارق حضنى أبدًا بحبك يا رنا وبحبك يا مالك شكرًا للناس اللى كانوا بيكتبولى كلمة حلوة عشان عاوزين يشوفونا تانى مع بعض".
