خالد زكي يكشف أصعب لحظة مر بها في حياته.. ويعلق: «عندي نقطة ضعف واحدة»
قال الفنان خالد زكي، إن أصعب اللحظات التي مر بها في حياته، هي لحظة وفاة والدته، معلقًا: "كانت بنتي مش أمي، لأن والدي توفى وأنا عندي 22 سنة، وكانت كل حاجتها بتتعمل باستشارتي".
وأضاف زكي، خلال استضافته ببرنامج "واحد من الناس"، المذاع على قناة النهار: "بشكر زوجتي جدًا على المواقف اللي وقفت فيها مع والدتي، أولادي طلعوا أبرار جدًا، لما شافوني كده".
وتابع: "أمي علمتني الصدق في التعامل، والرضا بما قسمه الله، وأن اللي ربنا عايزه هيكون، وكل حاجة ربنا هو اللي بيجيبها، مبخافش من حاجة خالص غير من ربنا".
وأكمل: "والدتي وصتني أخلي بالي من ولادي ومراتي ونفسي، دي آخر حوارات حصلت بينا، في حاجة واحدة ممكن تبهدلني، وهي مرض، حد بحبه من أسرتي، ونقطة ضعفي الأخيرة هي أحفادي".
