الخطيب خان الأمانة.. رد قوي من مرتضى منصور على تصريحات «تحيا مصر»

رد مرتضى منصور رئيس مجلس إدارة نادي الزمالك، على بيان الأهلي الأخير بشأن تصريحات المتحدث الرسمي باسم، "صندوق تحيا مصر"، بشأن هدايا وتبرعات تركي آل الشيخ للقلعة الحمراء.

وقال مرتضى منصور في تصريحات عبر برنامج "زملكاوي": "بقول لإدارة الأهلي إذا بليتم فاستتروا، وأنا معرفش مين الشخص إللي طالع يتكلم باسم صندوق تحيا مصر، دا صندوق سيادي ومينفعش أسراره تطلع برة".

وتابع: "وكفاية بيانات يا أهلي ردوا عليا بالمستندات، واللي بيقول إنه المتحدث باسم صندوق تحيا مصر، قولي إيه المبلغ اللي رجعه الخطيب من فلوس تركي آل الشيخ اللي هما 228 مليون جنيه؟".

وواصل: "الأهلي قال في بيانه إني كداب ومغرض، لكن أنا بحترم نفسي، وتصريحات النهاردة كانت مجاملة للأهلي، علشان هو مرجعش حاجة لصندوق تحيا مصر".

وشدد: "يا أحمد موسي مينفعش تكذب علشان تجامل محمود الخطيب، تركي آل الشيخ بعت إنذار وقال إن الساعات متردتش، وفيه تلاعب في صرف الفلوس، وإن عمال النادي مأخدوش المكافآت، والخطيب خان الأمانة".

وكشف: "أحمد شوبير أخد 6 مليون جنيه عمولة في صفقة صلاح محسن، اللي جابه تركي آل الشيخ للأهلي بـ42 مليون جنيخ، واللاعب دلوقتي اتحط على قائمة الانتظار".

واختتم مرتضى منصور تصريحاته: "المحكمة طلعت قرار بكشف سرية حسابات محمود الخطيب، ولم يتم تنفيذه حتى الأن، واللي عايز يرد بعد كدة يكون بالمستندات مش الأكاذيب".