«أخدنا خبطتين».. شوبير يكشف مفاجأة بشأن أزمة محمد وأحمد الشناوي

كشف الإعلامي أحمد شوبير، حقيقة وجود أزمة داخل معسكر منتخب مصر، بعد مطالبة أحمد الشناوي حارس مرمى بيراميدز، بالحصول على شارة القيادة.

وقال شوبير في تصريحات عبر برنامجه الإذاعي "مع شوبير": "الأخبار فيها جزء من الصح، والحديث عن وجود أزمة في المنتخب بسبب شارة القيادة، وقصة رقم معين لحراس المرمى".

وتابع: "أتمنى ناخد بالنا الفترة الجاية لأنها فترة مهمة، أحمد الشناوي رجع المنتخب وقال أنا عايز رقم واحد، لكن الموضوع اتلم سريعًا ومحمد الشناوي قال أنا معنديش مشكلة".

وشدد: "فيتوريا قال إن شارة الكابتن بالاختيار، ولما محمد صلاح يرجع هيكون هو كابتن المنتخب، وبعده هيكون أحمد حجازي، ومش عايزين يكون في أزمة".

وواصل: "أما الأرقام مش هتفرق بتلعب برقم واحد ولا 700 ولا 2000 أي رقم، ومش وقت مشاكل، إحنا مش مع نادي، إحنا مع المنتخب الوطني، ولسه واخدين خبطتين، لما خسرنا نهائي إفريقيا، وفشلنا في التأهل لكأس العالم في المباراة الفاصلة، وحتى لما البطولة العربية، خسرنا نصف النهائي".

واختتم شوبير تصريحاته: "إحنا في حالة إعادة بناء حاليًا، وعايزين نساعد فيتوريا، وأول ناس المفروض تساعد هي اللاعبية، علشان نقدر نساعد المنتخب للعودة للانتصارات".