مرتضى منصور لجماهير الزمالك: «أقسم بالله مستعد أسيب النادي.. وشوفوا هيحصل إيه بعدي»

شن مرتضى منصور رئيس مجلس إدارة نادي الزمالك، هجومًا عنيفًا على ممدوح عباس رئيس الأبيض السابق، بعد الحجز على أرصدة النادي في البنوك.

وقال مرتضى منصور في تصريحات عبر برنامج "زملكاوي" المذاع على قناة "الزمالك": "ممدوح عباس ملهوش أي فلوس في نادي الزمالك من 2013، بعد القرض الحسن بدون فوائد اللي النادي أخده في عهده 2008، وبالقانون مينفعش ييجي بعد 14 سنة ويقول ليا فلوس عند النادي".

وتابع: "ممدوح عباس ملهوش مليم واحد عند نادي الزمالك".

وشدد: "الناس اللي مش عارفه حاجة من جماهير الزمالك، وبتدافع عن اللي عايز يخرب نادي الزمالك، وعايزين يهدموا ويدمروا النادي".

وواصل: "بقول لهم أقسم بالله عندي استعداد أسيب النادي وأمشي، وخلي المفتاح لممدوح عباس وشوفوا هيعمل إيه".

واختتم مرتضى منصور تصريحاته: "اشتراكات الأعضاء في عهد ممدوح عباس كانت 8 أو 9 ملايين جنيه، وفي عصري وصلت لنصف مليار جنيه، اللي جابهم ممدوح عباس في سنة أنا بجيبهم في نصف يوم".