عمرو أديب: «أنا مش بالع فكرة إن الأهلي يلبس شعار الخطوط القطرية»
أعرب الإعلامي عمرو أديب، عن عدم تأييده لما يثار عن رعاية شركة الخطوط الجوية القطرية للنادي الأهلي.
وقال خلال برنامجه "الحكاية" عبر شاشة "mbc مصر"، مساء الجمعة: "أنا مش بالع فكرة إن الاهلي يلبس شعار الخطوط القطرية.. أنا مليش دعوة بالعلاقات لكن الموضوع مش ظريف ولا لطيف ولا خفيف".
وأضاف: "عندنا في مصر رعاة كتير جدا الأهلي ممكن يختار منهم سواء شركات اتصالات أو جبنة أو عربيات.. مجتش على الخطوط القطرية".
وتابع: "اللهم صلى على النبي الملاءة المالية للأهلي زي الفل .. إيه سر اهتمام الخطوط القطرية إنها تبقى تشيرت الأهلي .. أكيد لإن الأهلي هو نادي الأغلبية المصرية".
وأكمل: "كل ما أقرأ الخبر ده يضايقني .. فيه مليون حد مستعد يدفع دم قلبه علشان يتحط على تشيرت الأهلي .. جايز أكون أنا التافه الوحيد اللي في البلد اللي واقف عند الحتة دي لكني مش بالعها".
