محمد حفظي: نحضر مفاجآت لمهرجان القاهرة السينمائي

قال رئيس مهرجان القاهرة السينمائي الدولي، إن العد التنازلي للدورة الـ43 بدأ، مؤكدًا أنه من المقرر الإعلان عن كافة التفاصيل قبل انطلاق المهرجان بأسبوعين تقريبًا في مؤتمر صحفي.

وأشاد حفظي في تصريحات صحفية بالدورة الخامسة من مهرجان الجونة السينمائي، قائلا: "الدورة شهدت وجود مشاريع مهمة في المنصة، إلى جانب الندوات والجلسات والأفلام، بصراحة فيه فعاليات كتير، يمكن الناس مركزة على حاجات معينة مالهاش علاقة بالسينما أوي، وأتمنى أن المهرجان يكمل زي ما بدأ مهرجان كبير ونفضل نتابعه ونشارك فيه".

ولفت السيناريست والمنتج السينمائي إلى أنه كان يرغب بمشاهدة فيلمين ضمن عروض المهرجان "أسوأ شخص في العالم" والفيلم الحائز على جائزة الأسد الذهبي من مهرجان فينيسيا " Happening"، لكن انشغاله بعروض فيلميه "أميرة" و"ريش"، وما تبعهما من لقاءات وندوات، منعاه من ذلك.

وعن فيلميه، قال حفظي: "الفيلمان حظيا بترقب شديد قبل عرضهما في الجونة، خاصة فيلم ريش لفوزه في كان السينمائي بجائزتين، يمكن (أميرة) أسلوب السرد فيه أو معمول بطريقة أسهل شوية على المتلقي العادي، اللي ممكن ميكونش مختص أو مش واخد على أسلوب فيلم (ريش) اللي أكيد مش هيعجب كل الناس، لأن إيقاعه وطريقة كادراته واختياراته الفنية مش هتعجب كل الناس، وبشوفه فيلم متخصص جدا، فيلم بكل صراحة يقدم سينما جديدة".

وأضاف الكاتب: "فخور جدا بريش، عمر أثبت إنه موهبة كبيرة مش أنا اللي بقول كده، لأ العالم كله ومش بس فارايتي وفي مهرجانات تانية غير كان، الفيلم حصل فيها على جوائز، الفيلم ماشي زي القطر".