ياسمين عز للزوجات: كل ست تبوس إيد جوزها «فيديو»
استنكرت الإعلامية ياسمين عز، الهجوم الذي تعرضت له الفنانة أصالة بعد نشرها صورة وهي تقبل يد زوجها، قائلة: "الفنانة أصالة تعرضت لهجوم كبير لما نشرت صورة وهي بتبوس إيد زوجها، والبعض قال لها عصر سي السيد انتهى وبكره تندم يا جميل وهيعمل فيكي زي اللي قبله".
وأضافت الإعلامية ياسمين عز، فى حلقة اليوم من برنامجها "كلام الناس" المُذاع عبر فضائية "إم بي سي مصر": "فيه واحدة كتبت تعليق للفنانة أصالة تقول لها بتبوسي إيده على أيه دا مفيش راجل يستاهل".
وتابعت: "فيه رجالة كتير تستاهل إيدها تتباس"، معقبة: "إيه اللي يضايقك إن واحدة تحب زوجها وتعبر عن حبها له بهذه الطريقة، هل عيب إن الست تبوس إيد زوجها؟".
وواصلت متسائلة: "ليه أما يحدث العكس إن الراجل هو الذي يبوس يد زوجته نقول إنها طريقة شيك، لكن أما الست تعملها تبقى مش ملزمة"، معقبة: "الإيد اللي بتبوسيها هي الإيد اللي بتسندك أما تقعي والإيد اللي بطبطب عليكي في الحلوة والمرة، مش عيب ولا حرام تبوسي إيد جوزك كل ست تبوس إيد جوزها مش عيب ولا حرام".
