زينة: «اتحرمت من شغلي 5 سنين بسبب شخص»
قالت الفنانة زينة إن تدخل شخص لمنع ممثل أو ممثلة من العمل أمر وارد داخل الوسط الفني، وهذا ما حدث معها على مدار خمس سنوات.
وواصلت زينة: "خلال استضافتها في برنامج الحكاية الذي يقدمه الإعلامي عمرو أديب، على شاشة MBC مصر، قائلة: "ممكن يمنعوا حد يشتغل بإنهم يتكاثروا عليه، وبطريقة غير مباشرة من غير كلام، في ناس مؤذية".
وأضافت: "من أكثر الحاجات اللي بتتقال عني إني بتأخر، وعادي ممكن تتأخر، وده مش بيضيع مني المسلسل لكن أنا من الكلام الكتير بانسحب لإني مش عايزة دوشة، وعايزة أعيش في سلام وأعمل شغلي كويس وأنجح".
واختتمت: "أنا قعدت 5 سنين حد قافل على الشغل في مكان معين، وماكنتش فاهمة في إيه، مع إني ست مصرية ومن حقي أشتغل وأنا أولى من أي حد، وبعض الناس قالوا إني عايزة أربي ولادي ومش عايزة أشتغل، طيب أربيهم إزاي؟ أنا مش فاتحة فرن في البيت".
يذكر أن آخر أعمال الفنانة زينة في مسلسل "الليلة وما فيها'' الذي تم عرضة على منصة شاهد vip بطولة كلا من زينة، محمد شاهين، ومطرب الراب أبي يوسف، سماح أنور، علاء مرسي، آلاء سنان، بكرى خالد، تأليف محمد رجاء، وإخراج هاني خليفة.
