«إفلاس وعلاج نفسي».. سوسن بدر تكشف تفاصيل حياتها

أعلنت الفنانة سوسن بدر خلال استضافتها في الجزء الثاني من برنامج ''واحد من الناس'' الذي يقدمة الإعلامي عمرو الليثى عبر قناة الحياة، عن خضوعها لجلسات نفسية، وذلك بسبب تعرضها لمرض الاكتئاب، كاشفة سبب مقاومتها له.

وقالت سوسن بدر خلال البرنامج: "رحت زمان لطبيب نفسي وكان شايف اني عندي اكتئاب وهو فعلا كان بداية اكتئاب وقعدت فترة بتعالج وكانت بنتي صغير وكان اكتئابي عشان الحياة صعبة ومش معايا فلوس".

وتابعت: "واكتشفت ان بنتي محتاجاني ومش المفروض ابقي كدة وقولت لازم أقوم على رجلي عشانها ورحت للدكتور قولت انا هوقف الأدوية".

وأكملت: "وجود بنتي قدامي هو الي خلاني أقوم ولغاية النهاردة دا كان درس الضعف ده اختيار.. لكن الإكتئاب نفسة ربنا ما يحكم على حد بيه".

وعن تجسيدها دور مريضة نفسية في فيلم شهرزاد فقالت: "قصة حقيقة، وحبيتها جدا وصعبت عليا جدا واتعاطفت معاها وكنت مهتمة أطرح قضيتها للناس لأنها اختارت بنفسها انها تدخل مستشفى المجانين لكن هي مش مجنونة، فكنت سعيدة جدا إن أنا عرفت أعرض مشكلتها زي ما عجبت الناس".

وواصلت سوسن بدر: "أولادي حاولوا يعلموني لعبة على الإنترنت اسمها ساكند لايف، بختار فيها حياتك واصدقائك وكل حاجة ففوجئوا إني اخترت حياتي زي ما هي مرة أخرى، واحب أعيش على جزيرة على البحر بدون تكنولوجيا وبدون ضوضاء زي أجواء العشرينات، وأكون متزوجة ومش بشتغل، مع إني معنديش اي موهبة تانية غير التمثيل، كان نفسي أكون مدرسة للأطفال فئة 3 سنوات".