السيسي لأبطال أكتوبر: تقبلوا اعتذارنا لو كنا ماخدناش بالنا منكم قبل كده «فيديو»

وقف الرئيس عبد الفتاح السيسي، وجميع حضور الندوة التثقيفية للقوات المسلحة "أكتوبر.. إرادة وطن" بمناسبة الذكرى الـ 49 لحرب أكتوبر المجيدة، تحية وتقدير لأبطال حرب أكتوبر 1973.

ووجه الرئيس السيسي، في كلمته خلال الندوة التثقيفية للقوات المسلحة "أكتوبر.. إرادة وطن" بمناسبة الذكرى الـ 49 لحرب أكتوبر المجيدة، تحية وتقدير لأبطال حرب أكتوبر 1973 : "لينا عظيم الشرف أننا نلتقي بيكم ونشوفكم، وكل الناس في مصر يشوفوا الرجال أو من تبقى من الرجال اللي قدموا لبلدنا في الكرامة والعزة والنصر والشرف دون مقابل".

وأضاف،: "ارجو إنكم تقبلوا اعتذارنا لو كنا ماخدناش بالنا منكم قبل كده، وكان مهم قوي إنكم تبقوا موجودين النهاردة علشان من خلالكم نقول للمصريين شوفوا تمن الكرامة بيتعمل إزاي".

وتابع:"الكرامة مش بتتعمل بالشعارات، الكرامة بتتعمل بالتضحيات، وبقول لأبطالنا ربنا يديكم الصحة ويجزيكم خير عن كل ما فعلتموه أنتم وكل هذا الجيل".

ووصل منذ قليل، الرئيس عبد الفتاح السيسي، إلى مقر انعقاد الندوة التثقيفية للقوات المسلحة الـ 36 "إرادة وطن"، بمناسبة ذكرى انتصارات أكتوبر.

وتحتفل الدولة المصرية بالذكري الـ 49 لحرب أكتوبر.. يوم العزة والكرامة.. يوم النصر الذي سيظل خالدًا في تاريخ أمتنا، يوم البطولات والأمجاد التي صنعها رجال القوات المسلحة بدمائهم الذكية في ملحمة عسكرية أبهرت العالم، ودونت سطورها بأحرف من نور امتد شعاعها للإنسانية جمعًا ليعكس إرادة المصريين في استعادة حقوقهم وتمسكهم بسيادة الوطن وأرضه وكرامته".