تامر أمين لـ محمد رمضان: «ليه عايز تثبت لنا أنك جامد؟»
انتقد الإعلامي تامرأمين، الفنان محمد رمضان، خاصة بعد أزمته الأخيرة، وإلغاء حفلتين له، قائلًا: "أنت طول الوقت عايز تثبتلنا أنك جامد".
وقال أمين، خلال برنامجه "آخر النهار": "دي شخصية محمد رمضان لما يحصل له رفض من حاجة، ونزل الشارع والشباب مغطي عربية محمد رمضان، وجاب ناس تهتف باسم محمد رمضان حبًا فيه".
وتابع: "هو ده محمد رمضان، زعلتوا منه أو حبتوه، ومش بدافع عنه ولا بهاجمه، وشخصية محمد رمضان لا يحب أن يخسر جولة، ولو حصل بيحاول بسرعة قلب الترابيزة، ويكسب اللي بعدها".
وأكمل: "محمد رمضان ذكي ويحترم الشارع، وبيخلي الناس في ضهره، وطول عمرك عايز تثبت لنا أنك جامد".
