عروس الإسماعيلية: «أنا مش عايزه غير الأمان» - فيديو

كشفت مها محمد، عروس الإسماعيلية، تفاصيل الاعتداء الذي تعرضت له على يد زوجها، وهو ما جعلها تفكر في الانتحار.

وقالت مها محمد، في مداخلة هاتفية لبرنامج "الستات"، المذاع على قناة النهار: "أنا قاعدة حاليًا في بيت والدي، وروحت وقدمت بلاغ، ومضيت على أقوالي، وقولت في البلاغ لوكيل النيابة أهم حاجة عايزاها الأمن والأمان".

وتابعت: "وكيل النيابة قال لي متخافيش وهو هيكون في الحبس، ومش هيقدر يعمل أي حاجة".

وتابعت عروس الإسماعيلية: "لما اتحبست 15 يوم، ونزفت من بطني كنت هنتحر ومقدرتش استحمل أكتر من كده"، أنا كنت بنضرب، واتشتم كتير أوي خلال الشهور الأخيرة، واستحملت وقولت أعيش وخلاص".

وأكملت عروس الإسماعيلية: "الزواج تم بطريقة تقليدية في 4 أشهر فقط، والناس اللي قالت قصة حب 14 سنة، دي شائعة، وكلام غير صحيح".