أحمد موسى: «أنت عايز واسطة النهارده عشان تلاقي كاوتش عربية»

قال الإعلامي أحمد موسى، إن أسعار السيارات ارتفعت بشكل كبير، خلال الفترة الأخيرة، قائلًا: اللي معاه عربية دلوقتي يحافظ عليها".

وأضاف موسى، خلال برنامجه "على مسئوليتي"، المذاع على قناة صدى البلد: "أنت عايز واسطة النهارده عشان تلاقي كاوتش، وكله بيستغل الموقف، أسعار كبيرة جدا بس تلاقيه كمان".

وتابع: "كله بيتاجر ويستغل الموقف، أزمة كبيرة جدًا تضرب السوق المصري، اللي عنده عربية النهارده يحافظ عليها، ممكن تبيعها بسعر عالي جدا وتكسب فيها".

وأكمل: "العربيات أسعارها عالية جدًا، عربية كانت بـ 700 ألف تجاوزت مليون و600 ألف بس تلاقيها كمان".

وواصل: "أسعار السيارات بقت نار، ولو لقيت عربية النهارده حافظ عليها، أزمة أنك تلاقي قطع غيار وكاوتش، وصلت لـ 11 ألف جنيه".