نهاد أبو القمصان: «رفضت مناصب بمبالغ خرافية عشان حافظ أبو سعدة» - فيديو

قالت المحامية نهاد أبو القمصان، إنها رفضت الكثير من المناصب بمبالغ خرافية، بسبب زوجها الراحل حافظ أبو سعدة.

وأضافت نهار أبو القمصانه، خلال استضافتها ببرنامج "الستات"، المذاع على قناة النهار: "أبو سعدة كان حبيب قلبي، وكان مهذب أوي، تحسي معاه بالأمان المطلق، لو اختلفنا مع بعض مكنش يدور على مصلحته، تحسي عندك عدالة".

وتابعت: "مكناش بنسافر بعيد عن بعض لفترة طويلة أبدا، أقصى مهمة عمل على مدار 30 سنة 12 يوم، كنت أروح وأرجع في نفس اليوم، القاعدة دي كانت عليه مش عليا بس، وفقًا لاتفاقنا مع بعض".

وأكملت: "كان يقولي أنتي معاكي الفلوس اللي تكفيكي تعيشي بكرامة أي حاجة تانية كماليات، وإحنا الاتنين وجودنا أهم حاجة، قالي لو اتعودنا على البعاد هنبعد".