رضا عبدالعال: الزمالك يمتلك رمضان صبحي جديدا.. والشحات أفضل من سافيو
أكد رضا عبد العال لاعب الأهلي السابق، أن صفقة الزمالك يعتبر رمضان صبحي جديدا وإضافة قوية، وشدد أن لاعب الأحمر أفضل من البرازيلي برونو ساڤيو.
وقال رضا عبد العال في تصريحات تليفزيونيه ببرنامح اللعيب عبر قناة أم بي سي مصر: "الونش صخرة، وغيابه يأثر في أي فريق، والمباريات القادمة هتوضح هل الموجودين هيعوضوا غيابه أم لا، وبالذات مباراتي سيراميكا والأهلي".
وأضاف: "أنت ملعبتش الزناري ليه الماتشين اللي فاتوا، انت جايب صفقة، وصفقة محترمه وزي ما إديت سامسون ونداي كنت شارك الزناري، لإن الونش كان على كف عفريت، مصاب من الموسم اللي فات كان لازم تأهله".
وشدد عبد العال: "المثلوثي بتلعبه في مكان مش بتاعه محدش هيرحمك انت داخل على مباريات هامة".
وأوضح: "أنت عملت صفقات ليه؟، فيريرا كان عاوز كده، مكنش عاوز لعيبه في صفقات سوبر السوبر اتعرضت عليه ورفضها، زي ايبوكا والجلاصي وعبد الكبير الوادي".
وواصل عبد العال: "أحسن إن نداي مش هيلعب محستوش زيه زي سافيو، ريحه إيه اللي في ساڤيو، حاطط ريحه حلوه، معملش حاجه تثبت إنه محترف برازيلي، ده كينو بهر كل المصريبن من أول لمسه، حسين الشحات أحسن منه هو وزياد طارق".
وتابع: "مصطفى شلبي إضافه كبيره للزمالك، لإنه رمضان صبحي جديد، وسيبك من سنه أهم حاجه فنياته، وبيفرق عن رمضان إنه بيجيب جول".
واختتم: "أه حطيت نداي وسافيو في دماغي، سامسون في ريحه، وجاب جول".
