عفت نصار: مصطفى شلبي سيكون كلمة سر الزمالك أمام الأهلي
تحدث عفت نصار نجم نادي الزمالك السابق عن مباراه السوبر المصري المرتقبه بين الزمالك بطل الدوري و الكأس و الأهلي وصيف البطولتين يوم الجمعه المقبل ، مؤكداً أن مصطفى شلبي نجم الزمالك سيكون كلمه السر في هذه المباراه.
وقال عفت نصار في تصريحات تلفزيونيه عبر قناه تن :”الدوافع عند الاهلي اكتر من الزمالك خصوصا ان الاهلي الفتره اللي فاتت مش ماشي بشكل كويس “.
وأكمل :”الزمالك على الناحيه التانيه مستقر و عنده مدير فني كبير بيعرف يغير الماتش ، الصفقات الجديده للزمالك هيبقى عندها الرغبه تظهر بشكل كويس للجمهور” .
وتابع :”مصطفى شلبي اعتقد هيكون كلمه السر في مباراه السوبر ، السرعات عند لاعبي الزمالك زي زيزو و الجزيري هتكون عامل كبير” .
وواصل :”الزناري و عبد المجيد وعبد الغني لسه مفيش انسجام اوي بينهم و غياب الونش هيكون مؤثر ولكن مع الوقت الخطه هتكون مظبوطه اكتر ، الزناري سيكون متواجد أساسي بإعتقادي وليس حمزه المثلوثي بدلاً من الونش ، طبعا اتمنى الزمالك يكسب ولكن اعتقد اننا هنشوف كوره كويسه يوم الجمعه” .
وأتم :”زيزو وأمام عاشور هيكونوا كلمه السر ومعاهم مصطفى شلبي اعتقد هيبقى ليه دور كبير ، شيكابالا دوره معروف بديل بيصنع الفارق عشان عامل السن و اللياقه البدنيه” .
