زوجة في محكمة الأسرة: «زوجي كان على علاقة بأختي واستغلوني»
وقفت سيدة في محكمة الأسرة، ويبدو عليها علامات الحسرة والانكسار، رفعت دعوى خلع ضد زوجها.
وقفت السيدة أمام القاضي قائلة: «جوزي بيحب اختي، واتجوزني وهو بيحب اختي، واختي خبيت عليا إنه كان بيحبها قبلي، وحولوا حياتي إلى جحيم ومكنش قدامي غير طلب الطلاق والمحكمة».
وتابعت الزوجة: «أنا لما تميت 19 سنة سافرت خارج مصر، عشاتن أدرس وأشتغل، والحياة خدتني والعمر وصل الـ30 ، أهلي طلبوا مني أرجع مصر عشان أتجوز رجعت مصر».
واستكملت الزوجة: «وبعد سنة اتقدملي جوزي، وبعدين سألت أختي عليه قالتلي أنا معرفهوش والقرار يرجع لك، وأهلي مش مديني فرصة أسأل عنه لأنهم كانوا بدأوا يخافوا من سني اللي بيكبر ووافقت».
وأضافت الزوجة: «كان في تواصل مع بعض أصحابي القدام من أيام مدرستي في مصر، وفي يوم واحدة منهم قالتلي لازم أشوفك وبالفعل اتقابلنا وقالتلي سامحيني لو اللي هقولهولك ده جه في وقت متأخر بس أنا ضميري ميسمحليش أني اخبي عليكي أكتر من كده».
وأردفت: «قالتلي أنا معرفتش إنك اتجوزتي غير من الفيس بوك، ولما شوفت صورك مع عريسك في الفرح، افتكرت إن ده الشاب اللى أختك كانت مرتبطة بيه من سنتين وهي في الآخر رفضته عشان كان بيزعلها كتير وبيكلم بنات».
وقالت الزوجة: "رجعت المنزل وطلبت من أختي أن تأتي، وبمواجهتهم، قالت الأخت أن العلاقة من أيام المراهقة وهي الآن لا تعلم شي عنه، ورد الزوج إنه في البداية كان متعلق بأختي، لكنه قال إنه نسى بعد ما عشنا مع بعض كل ده أتنسى".
اختتمت حديثها: «مش قادرة أصدق إنهم استغلوا أني مكنتش عايشة معاهم عشان يضحكوا عليا».
